علمت قلبى الهوى

ورسمته فِ الشريان

عاديته بحر النوى

عودته ع النسيان

لو تاه فِ يوم و إنكوى

لو داق فِ يوم أحزان

صابر علي د ا الهوى

ولا علي الهجران

يحلم بحضن العنين

اسقيني شهد الحنان

يحلم بلمسة ايدين

متعطرة بريحان

علمت قلبي الهوى

يعشق يكون إنسان

يطوي السنين فِ ايديه

يضوي الحنين فِ عنيه

ويسابق الريح لو تعاند

مشاعر الوجدان

علمت قلبي الهوى

كحلت بحروفك عنيه

عرفت طعم الجوى

والعتمة منسيه

يا حلم مد الشراع

د ا الحلو مستني

عمري ما أحس الضياع

لو حضنه يوم خاني!!

عشقت فيه السمار

والقلب متحني

عيونه لون الخضار

يا بحر ليه خدني

لو دقت طعم المرار

فِ النيني ح يصوني

يا قلب ليه لانتظار ؟؟!

والشط مستني

يحضن عيون النهار

م الخوف ح يسرقني

يا شوقي عدي البحور

واسبق رياح الخوف

أنا حبي ليه باشتياق

ناره بتكوي الجوف

آه ، يا زمان النوى

باعد بعيد عني

القلب عشق الندى

غصني صبح ملهوف

يتلاقى بالحب لحظة

اعمل يا شوق معروف

علمت قلبي الهوى

وعرفت معني السهر

و ازاي أدوُر فِ الليالي

أنادي حضن القمر

و ابعت معاه الرسايل

استني طول العمر

كلمة تصحي دمايا

تحيي زمان احتضر

يا نجمتي فِ السما

طلي وصارحيني

لسه الحبيب قلبه شاري ؟؟!

يحضني وسط الخطر !!

آه يا زمان النوي

باعد بعيد واختصر

علمت قلبي الهوي

ومشيت أدور عليك

وسط الوشوش والناس

وشوشت فيك الودع

وفتحت لك كراس

فيها قصايد تنادي

بالحب و الإخلاص

أيدي في ايدك

مش عايزة دهب ولا ماس

كفاية قلبك دهب

ح أعمل له قلبي مداس

علمت قلبي الهوي

وعشقت فيك خطوتك

ودقت أحزانك

ودبت فِ محبتك

حبتها أوطانك لو

كنت بتحبني

شاكرة لعرفانك

مهما الزمان هزني

فِ النبض عنوانك

علمت قلبي الهوى

وعشقت انسانك

اسقيني شهد الجوي

من نهر بستانك

اسقيني شهد الجوي

لسه الحبيب قلبه شاري ؟؟!

يحضني وسط الخطر !!

تسلم ايدك الاصيل على موضوعك الجميل تقبل مرورى

منوررررررة ملوكة الموضوع ويارب يكون عجبك و لى المرة المليون مفيش احلى من موضيعك

بنوتة مشكورة على مرورك الجميل دا زؤقك الرفيع دا


تحياتى اليكم