وانا ببداء هذي مرثيه للشاعر منصور الرويلي يرثي فيها امه رحمهاااااا الله/
/
واللي رفع رأسك على رؤس الاشهاد = اللي شمل كل المخاليق عطفه ؟
أني مثل منهو على الحتف منقاد = يضحك وهو يشرب من الموت رشفه
بي جرح ماله غير نزفه له ضماد = وشلون أطــّـيب ولابعد كف نزفه
أصد عن قلبي مسا ليلة حداد = ماودي أسمع بين الاضلاع رجفه
أخاف تلمح دمعتي عين نقاد = وعيني بها عن رخص الانظار عفه
شامخ وضعفي مجهدً روحي أجهاد = ونفسي لها في وجه الاحزان وقفه
أصبر وفيني لاهب الصبر وقاد = في بيت حزن من العزى شق سقفه
ياليلةٍ سودا بها الوقت لاعاد = أمي 00 وراحت من تريدين خطفه ؟
آخذتي اللي كانت لروحي أبلاد = ومن بعدها حملي غدر فيه كتفه
صبحٍ تـشــّيب طلعته طفل الامهاد = شايل عذاب ويسحب الويل خلفه
نزعت كبدٍ من فلذات الأكبـاد = نزعة صبْي العين من حد طرفه
لو أقدر أوصف نزعة الروح مافاد = مدام أنا اللي ميتٍ قبل حتفه
ولو أذرف دموع القهر دم 00 وش عاد = بالموقف اللي بالشعر صعب وصفه
ليت الوليف اللي مواليفه أبعاد = اللي فقد مع ضيم الايام ولفه ؟
لوهو يحس بلوعتي كان ماعاد ؟ = يبكي على اللي بالهوى كان شفه
يالعين ربعكِ عن سهر ليلك رقاد = ماحولكِ اللي تستميلين عطفه !!
أن كان جمرة دمعتكِ صارت رماد = قولي لحزنك ينثر الدمع كفه
دام الهموم بصدري 00 لصدري أوتاد = مالي جدى كود إسأل الله لطفه
//
/
ماعبر البوح عن حزني وغربالي = حتى القصايد تخون أحساس كاتبها
فقدت أنا أمي وفاقد قبلها خالي = وأثري البشر بعض حزن الناس يطربها
يالله وأنا طالبك .. ياالله ياوآلي = أمٍ حملني حشاها لاتعذبها
وأرجو من اللي قرأ فيها آخر أمثالي = يقول الله يرحم ( أم كاتبها )
موضوع: وش اكثر بيت او قصيده اثر فيك.. 
الجمعة يوليو 17, 2009 10:59 am