تقدر تكون إنسان

تقدر تكون إنسان
!! تقدر تكون إنسان
*******************
عجيبة الدنيا بتحيّر ..
ف لحظة وثانية تتغير
ونسمة صيف ..
على قلبك .. بتتمخطر
تلاقيها .. بقت زعابير ..
وبتصفر
ما تعرف ليه !!
***
بقول لك إيه
بلاش المسألة تكبر
ولون الشهد .. يتعكر
وقبل ماتِنفعل .. فكر
وشوف السهم .. رايح فين
***
ده انا وإنت .. ف يوم كُنا
أعز اتنين
وبيننا حياة .. وبننا سنين
وبيننا مشاعر إتخلقت ..
عشان قلبين
هتنسى ف لحظة عشرتنا
وتطلق نار تموتنا
وكل ده ليه ؟؟
***
بقول لك إيه
بلاش تصرخ وتتهور
ساعات الكلمة بتعوّر
وبتدوّر سواقى النوح
وبتدمر عيون الروح
ولما بتهدى بتسلم
وتتأسف .. وتتندم
ومش ممكن ..
ترجّع للحياة تانى ..
شعور مدبوح
***
أقول لك .. روح
عشان البُعد بينسى
وأنا محتاجه للنسيان
كمان البُعد .. بيقّسى
وقلبى بالأسى مليان
كتير ياما .. ضغطت عليه
***
بقول لك إيه
أنا مش هاجى على نفسى
وأعيش عمرى .. اسمّع لك
نشيد الصفح .. والإحسان
أنا هارفع عليك مرة ..
رايات الحق والعصيان
وأتمنى تكون فاكر
بإن القسوة ع الصابر..
ده طبع جبان
بدون العدل والرحمة ..
هتبقى إزاى ف يوم إنسان ؟؟؟
***
تيتووو شاعر الرومانسيه

» زلة لسان .... تفقدك إنسان ...!!!
» **( إنسان العصر والتأويل والتحليل )**
» ما أصعب أن تعشق شخصا وأنت تعلم أنك لن تكون له .......؟؟؟؟
» سؤال للبنات والشباب.....ماذا تكون ردة فعلكم.!!!؟؟